مدونتي ياسمين للشاعر حامد زيد

تبيّنيّ صِدْقّ والا ما تبيني

تبيني صدق والا ما تبيني
قبل لا أبهذلك وتبهذليني
وقبل لا أفقد شموخي واحترامي
وقبل لا أشمت العذال فيني
أنا داخل عليك من الفضايح
تبيني صدق والا ما تبيني
تبيني صدق والا ما تبيني
أنا ماني بلعبه في يدينك
متى ما تعشقيني تعشقيني
أبيك ان كان جيتيني حبيبه
تجيني بصدق ولا لا تجيني
أنا ما أجرح مشاعر من عشقني
ولا أرضى لي عشقتك تجرحيني
ما دام أني عطيت بكل قلبي
مثل ما عطيك من قلبي عطيني
وإذا بعت العذارى واشتريتك
تبيعين الرجال وتشتريني
عشان أكون صادق لي عشقتك
وعشان أريحك واتريحيني
دخيل الله وقولي وبصراحه
تبيني صدق والا ما تبيني
تبيني صدق والا ما تبيني
أنا ما جيت ألعب وتسلا
أنا جيت أحتويك وتحتويني
تبيني مثل كل الناس والا
تبيني أقدرك واتقدريني
مثل ما استحملك لامن زعلتي
إلى مني زعلت استحمليني
عرفتيني وأنا رجال وافي
وأنا وافي قبل لا تعرفيني
أحب الصدق لو هو من عدوي
وأعاف الكذب لو من والديني
مثل ما أقبل بليني وبشموخي
لو أكره رحت بشموخي وليني
إذا عن عاذلي ديني ودينه
وإذا عن غريتي دينه وديني
أنا لي ثارت الغيره بقلبي
تقول الجن الأزرق معتريني
أبي وأنتي معي منتي لغيري
وإذا كنتي لغيري جنبيني
أغيب وتذكريني بالحشيمه
ولا أمرح في ذراك وتلعنيني
طويلين الشوارب ما احقروني
تبيني أنتي تجين وتحقريني
إذا نفسي رضت لي بالمذله
أبذبحني قبل لا تذبحيني
مادام أني وفي كوني وفيه
لاني ما أخدعك لا تخدعيني
أنا لي أخذت قدري واحترامي
خذيني مثل ما تب تاخذيني
تبين بخوتي سيف(ن) مجرب
وإذا بمروتي ليث بعريني

**

فأن ألفيتني شهما شجاعا
فليس البر أن تستضعفيني
فأني ذقت بالآلام ذرعا
وما في الغدر رمح يتقيني
أكف الدم الحزنا بعد حزن
عشقت القمعا حينا بعد حيني
لعمري كم حيوت الناس قلبا
وما في الناس قلب يحتويني
أنا الحزن الذي لا حزن بعدي
ولا يغني حنين عن حنيني
فلا من كان قبلي كان قبلي
ولا من قد يليني قد يليني
أنا المملوء حزنا وانكسارا
وما فرطت في عرضي وديني
أنا المختال من فخري بفقري
وتبت كل عين تزدريني
أنا من ذاق ملئ الأرض هونا
وما أخضعت للدنيا جبيني
فإن جاءت بي الأقدار يوما
أجوب الأرض خوفا من أنيني
فروفي واحفظي لي ماء وجهي
ولاتخشيني واخشي الله فيني
فلو أني رجوت الله شيئا
فأرجوا الله أن لا تظلميني

**

علشان ان عشقت اعشقك كلي
أبيك كلك تجين وتعشقيني
فلا تقفي عيونك عن عيوني
ولا تدفي يديك ألا يديني
أكون أقرب لقلبك من عروقك
وأحسك بين شرياني وبيني
اسامح لك خطاك اليا خطيتي
وأنا لا من خطيت تسامحيني
ولك مني عهد ما أصد عنك
وأبي منك عهد ما تخذليني
عشان أبقى معاك العمر كله
وأشيل محبتك برموش عيني
أنا بحلف يمين أني لصونك
فلا أخونك ولا أرد بيميني
وعساني للهلاكـ أن خنت وأنتي
عسى الله يلعنك لو تتركيني

حامد زيد

مدونتي ياسمين للشاعر حامد زيد 0b3f414365f3

مدونتي ياسمين للشاعر حامد زيد 061511130642oqgke6r6zmf

مدونتي ياسمين للشاعر حامد زيد 1333730549931

مدونتي ياسمين للشاعر حامد زيد 1347030655352

مدونتي ياسمين للشاعر حامد زيد Mstgbl_13140386931

وصلك ذهب

لا صار وصلك من ذهب ومحبتك تنسـام سـوم
. . . . روح اعشق اللي تبي تعشقه واهمل اللـي تهملـه

لا شفتني ميت ظما واشحذ من يدينـك غيـوم
. . . . في وقتها كل الكـلام اللـي تبـي تقولـه قلـه

لا جيتك اشكي من سهر ولا اشتكي من قل نـوم
. . . . من بعدها لك حق تعمـل فينـي اللـي تعملـه

انا انتظرك قبال بيتك واتصل بـك كـل يـوم؟
. . . . انا احتقر نفسي معك وارضـى ولـو بالمهزلـه؟

انا احلم بلمسة يدك واصحى على صوتك وانـوم؟
. . . . انا اتحمل مـن جفـاك اللـي محـد يستحملـه

على بشاشة طلتك !!ولا علـى الصـدر الكتـوم!!
. . . . هو فيك شـي ينقبـل ولا رضيـت اتقبلـه؟

من زين قربك من حسن عشرتك من طيب السلوم
. . . . ناقص نظر هاوي كدر غاوي عـذاب وبهذلـه؟

قد جيتك ابكي من سهر ولا اشتكي لك من هموم؟
. . . . قد مر يوم وشدنـي لمواجهـك شـوق وولـه؟

عمري تكلمت بعتب ولا نطقـت بحـرف لـوم
. . . . بيني وبينك معرفـه ولا ارتبـط معـك بصلـة؟

ما تعرف الله ؟ منت مسلم؟ ما تصلي؟ ما تصـوم
. . . . ؟ما فيه احد ما سولفت له عني ولا كذبـت لـه؟

هذا وانا اللي ما عشتقك قلـت فينـي هالعلـوم
. . . . اجل لو اني بعشقك وش اللـي كنـت بتفعلـه؟

ما اقول لك قلبي حجر ولا من العشـق معصـوم
. . . . لكن بعد مانيب من اللي كل مـن جـاه هبلـه

تزيـن ولا مـا تزيـن تـروم ولا مـا تـروم
. . . . حنا رجال ما انخلق فينـا مـع الثقـل عجلـه

ودك ليا جيت تعشق ، تعشـق معـزز ومحشـوم
. . . . اما تجي قـد الغـلا ولا اتـرك العشـق لاهلـه

في هالزمن ما يخضع لمكر النسـا غيـر الرخـوم
. . . . الذيب ما يغفـل ولا يرضـى حـدن يستغفلـه

لو تبي تشوف المرجله في حب قرم مـن القـروم
. . . . شف غيرتي لا من عذلني عـاذل ووقفـت لـه

مثلي ليا من جيـت لـه بالصبـر ولا بالعـزوم
. . . . في ذمتـي لا انتـه ولا اللـي خلفـوك تغربلـه

ما دام وياي القمـر وشلـون اطالـع بالنجـوم
. . . . ما تعرف اني لا عشقت اعشق من الزين اجملـه؟

اللي طرف جديلته تسوى شـوارب روس قـوم
. . . . هذا اللي ليا من بغيت اشتاق صدق اشتقـت لـه

هذاك احضر لموعده لو اني على المـوت معـزوم
. . . . هذاك احقر اللي يحقـره واخـذل اللـي يخذلـه

اللي ليا كف المسا كنه وكـن الشمـس تـوم
. . . . وان ضفه الصدر ورسى يـا يقتلـه يـا يقتلـه

على كثر ما عشق عدله كثر ما عشقـه ظلـوم
. . . . وعلى كثر ما كنت اعرفه كثر ما كنت اجهلـه

نعاتبك مثل الخوي ونخاصمـك مثـل الخصـوم
. . . . صعب بغيت استصعبه سهـل بغيـت استسهلـه

وصلت له ولا وصلت الا بعـد فـرك الخشـوم
. . . . ضيع له عمـري وهـو ضيـع معـي مستقبلـه

حققت فـي محبتـه مـا فـاق تحقيـق الحلـوم
. . . . وعملت معه اللي محد قبلي مـن النـاس عملـه

ما فيه عاشق دام صدقه مثل مـا صدقـي يـدوم
. . . . وما بالرجال اللي وصل ربع الذي وصلـت لـه

ان ما وقف حظي عشانه جعل حظي مـا يـدوم
. . . . في هالزمـن مـن لا يدسـم شربـه لا يفتلـه

ولا انت لا مني بغيتك جبت من شـرواك كـوم
. . . . اليـا بغـى بالزيـن ولا لا بـغـى بالمنـزلـه

من خان مره بالعمر ما هوب عيـد يخـون دوم
. . . . ومن بادر الناس بزعل يسهل على النـاس زعلـه

دام الغلا ما يستحق مـن القلـوب الا الرحـوم
. . . . ان طعتني خلك بحالك واتـرك العشـق لاهلـه

من لا تستر بالحيا مـا يستـره لبـس الهـدوم
. . . . ومن لا يزلزله الخجـل مـا فيـه شـي يزلزلـه

لا صار وصلك من ذهب ومقابلك ينسام سـوم
. . . . روح اعشق اللي تبي تعشقه واهمل اللـي تهملـه

لا شفت لي دمعة رجـا بالجفـن ولا بالكمـوم
. . . . في وقتها كل الكـلام اللـي تبـي تقولـه قلـه

لا جيتك اشكي من سهر ولا اشتكي من قل نـوم
. . . . من بعدها لك حق تعمـل فينـي اللـي تعملـه

حامد زيد

**قصيدة الفريسة **

هذا الخطا اللي مااااا توقعت اخطيه
شف كيف كشًر طيب القلب نابه

اثر الحسد لا عشعش بصدر راعيه
يجعل من قلوب الحبايب ذيابه

***********

اللي تعلم من سكوووووتي تماااديه
علمني استقبل خطاه برحابه

والواااجب انه لو جحد فزعتي فيه
ما يجحد حقوق النسب والقرابه

***********

و انا اللي يوم ان المصاايب تبكيه
كنت اقرب إله بضيقته من ثيابه

اللي تعاااااف اوله ينعااااااف تاليه
وانا كفى صدري من الغيض مابه

***********

من لا وقف لي وقفة رجال ما ابيه
يغني عن حضور المقفي غيابه

من لا فزع بالكااااايده مع بني خيه
وقت الرخا ما يحسب حساب لابه

***********

علمت غيري كيف لاصد ما اجيه
وانا تعلمت الصبر والصلابه

لأن الشجاع ان ما لقى من يواسيه
ان ما نشدته ما علمت بمصابه

***********

ماداااام بعدي عن رفيقي بيرضيه
نذررر علي اني فلا اطق بابه

عيب التفت في جاه مخلوق وادعيه
وللمبتلي ساعة دعا مستجابه

***********

الضعف ما طيقه ولا اطيق طاريه
والدمع لا يرقى ولا ينرقابه

والحلم يغنيني عن الكبر والــتيـه
والظلم محصيني كآبه كآبه

***********

إن ما جمعت وجيه ما فرق وجيه
ومن لا بنيته ما سعيت بخرابه

وانا لو اني بأالتفت بأالتفت ليه...؟
الرمـ(ـح غااااالـ(ـي والفريسـ(ـه ذبابـ(ـه

***********

بدري علي احسب له حساب واجيه
وبدري عليه يشيلني من حسابه

كاااااني عتقته بأعقته رأفــــة فــيه
إلا الطلابه ما خشيت الطلابه

***********

مــهب على شانه..عشان المشاريه
سامحت طيشه وابتليت بعذابه

اليا كسر في خاطرك شخص تغليه
حتى المعاتب تستحي من عتابه

***********

اللي سكن صدري من الغيض يكفيه
ملت تفاصيلي سكون ورتابه

اللي بيدخل في مزااااااااجي باأسويه
وباأخاطب الفض الفليض بخطابه

***********

مثل الغلا اللي بآآآآآآخذه منه بأعطيه
ويسمع جوااابي مثل ما اسمع جوابه

دام احترااااامي للقراااااااابه مجريه
يا شيخ ملعوووون امها من قرابه

***********

لو كل شخص بيحتقر في باأخاويه
ما كان حزت من المراجل مهابه

يا هــيه مثلي ما يقولون له هــيه
مدري متى تتعلمون الذرابه

***********

اللي معلمك الكتابه على ايديــــه
لمحة بصر ويبعرثك من كتابه

ومثلي لاامن قلت لك قول يوفيه
والقرم لامن وكد العلم جابه

***********

سمه تحـــدي ســمه اللي تسـميه
بس الوكاد انه مهوب استجابه

اللي مهب قد المواااااااجه يخليه
ومن لا قدرت تهيبه منك هابه

***********

الله يعز وجيــه ويطمن وجـــيه
وحنا بشر لكن بشر وسط غابه

ومن لا فزع بالكايده مع بني خيه
وقت الرخا ما يحسب حساب لابه

***********

حامد زيد

صـــــــــدمات الليـــــــــــالي

حــــــــــــــــــامــــ ـــــد زيـــــــــــــــد
يــــــــا مــســـاعـــد بــــيــــض الله وجـــــــــه صــــدمـــــات الــلــيــالـــي
عــلــمــنــي كــــيــــف أعــــــــرف الــــلــــي مــــعــــي والــــلــــي عـــلـــيـــه
لـعـنـبــو جـــــد الـطــعــون إن جـــــات مـــــن غــالـــي لــغــالــي
ولــعــنـــبـــو جــــــــــد الـــــخـــــوي الـــــلـــــي يـــجـــنــــب عــــــــــن خـــــويـــــه

مـــــــــــــــــــــســ ـــــاعــــــــد بــــــــــــن جــــــبــــــــــــــــر ان
كـــــــــل شـــــــــي ٍ صـــــــــار فـــــــــي دنـــــيـــــاك درس ولا تـــبـــالــــي
ضـــــربـــــة مــــــــــا تــقــســـمـــك نـــصـــيــــن تـــــدفــــــع عـــــنــــــك ســـــيــــــه
مـــا جـــرى لـــك مـــن صـــدوف الـوقــت يـاحـامــد جــرالــي
لـــــكــــــن أســـــايــــــر ظـــــــــــروف الــــــوقــــــت وعــــــزومــــــي قــــــويــــــه

حــــــــــــامــــــــــ ـــــد زيـــــــــــــــــــــــ ـــد
أبــتــســم وأضـــحـــك وأجـــامـــل وإلا أنــــــا مــانــيــب خـــالــــي
يــامــســاعـــد لــــيـــــت ربـــــعـــــي يـــعـــرفــــون اش صــــــــــار فـــــيـــــه
إن ضحكت أضحك معاهم وإن بكيت أبكي لحالي
والـــرجـــل لــــــو مــــــا فــــــزع لــــــك طـــيـــب يـــفــــزع لـــــــك حــمــيـــه

مـــــــــســـــــــاعـــ ــــــــــــــــــد بـــــــــــــــن جــــــــــبـــــــــــرا ن
لا تـــبـــيـــنـــهـــا تـــــــــــــــرى راس الـــــنـــــبـــــا يـــــكـــــشـــــف مـــــفـــــالـــــي
كــــــــــان مــــــــــا تـــــفـــــرح بـــعـــيــــد الـــفـــطــــر تـــــفــــــرح بــالــضــحــيـــة
الــســـمـــا والأرض وثــــمــــار الــشـــجـــر يــــابـــــن الـــحـــلالـــي
عـــــلـــــمـــــن نـــــيـــــوتـــــن الـــــــلــــــــي مـــــــــــــــات ســـــــــــــــر الـــجــــاذبــــيــــة

حــــــــــــامــــــــــ ـد زيـــــــــــــــــــد
كـيــف أجـنــب عـــن حـقـوقـي والـعـطــا مــــن راس مــالــي
الــــــعــــــطــــــيــ ـــــة بـــــالـــــعـــــطـــــ يــــــة والــــــخــــــطـــــــي ـــــــة بـــــالـــــخـــــطـــــ يــــــة
يــعـــلـــم الله لا اجــتـــمـــع عـــنـــتـــر وأبـــــــــو زيـــــــــد الـــهـــلالـــي
مــــــــا أعــــذلـــــوا قــــيـــــس الـــمـــلـــوح عـــــــــن غـــــــــرام الــعــامــريـــة

مـــــــــــــــــــــســ ــــــاعـــد بــــــــن جــــــــــبــــــــران
قــبـــل كــســـب الــحـــق الأقــصـــى قـــــوم لـلــحــق الـمــوالــي
وانــــشـــــد الـــقـــاضـــي عـــــــــن آخـــــــــر مــحــكـــمـــة لـلـعــنــصــريــة
وش بـــــقــــــى لــلـــســـيـــف والــــبــــنــــدق وحــــــمــــــاي الــــتــــوالــــي
فــــــــــــي زمــــــــــــان الـــعـــولـــمـــه وأهــــــــــــل الــــعــــلـــــوم الــشــقــلــبــيـــه

حـــــــــــامــــــــــد زيـــــــــد
مــــــــــا تـــــعـــــرف إن الـــحـــقــــوق حــقــوقـــنـــا بــــــــــأول وتـــــالـــــي
الــــــــحــــــــقـــــ ـــوق الــــــتــــــالــــــيـ ــــــة وإلا الــــــــحــــــــقـــــ ــــوق الأولــــــــــــيـــــــ ــــــة
كــــــــــل مــــــــــا دارت عـــلــــيــــك الـــــدايــــــره خـــــلــــــك شـــمــــالــــي
مــــــــــا يـــضـــيــــق خـــــاطـــــرك صــــــــــوت الـــفـــشــــق والــبــنــدقــيـــة

مـــــــــســــــاعــــــ ـد بــــــن جـــــــــــــبــــــران
الــبـــروق تــلـــوح فـــــي عــــــرض الــســمــا والــســيــل ســـالـــي
مــــــــا تــــمــــوت مــــــــن الــظـــمـــا لــــــــو عــــرضــــوك الـمـهـمـهــيــة
نـصـبــوك أهــــل الـعـقــول الـحـالـمـة فــــي الــشـــرق والـــــي
مــــــــــا عـــلـــيــــك خــــــــــلاف مـــهـــمــــا صــــــــــار والـــــذمـــــة بـــــريــــــه

حـــــــــــــامـــــــــ ـد زيـــــــــــــد
لا تـــــبـــــري ذمـــــتـــــك يــــــــــا مـــــضـــــرب الـــــرجـــــل الــمــثـــالـــي
مـــــــن يــعــيـــش بــــــــلا هــــــــدف بــيــعــيــش مــجـــهـــول الــهـــويـــة
والله إنــــــــي مــعـــطـــي الــمــحــتــاج مـــــــــن لـــقـــمـــة عـــيـــالـــي
مـــــيـــــر مـــلـــعــــون الـــــجـــــدف مــــــــــا بـــيـــنــــت فـــــيـــــه الــعــطـــيـــه

مــــســــاعـــــــد بــــــــــن جــــــــبـــــران
الــزمــان الــلــي صــفــا لـــــك وأنـــــت غــافـــل مـــــا صـفــالــي
خـــلـــهــــا تـــمـــشــــي عـــــلـــــى درب الـــســـنــــع واقـــــبــــــل هـــــديــــــة
أنـــــــــــــت مـــــــــــــا خــــلــــيـــــت فــــيــــهـــــا لا جــــنــــيـــــه ولا ريــــــالـــــــي
صــــــــــار لــــــــــك مــــــــــدة تـــــقـــــارن بـــــيــــــن داب وبـــــيــــــن حـــــيــــــة

حامد زيد

عيدك مبارك

مدخل :

عيدك مبارك .. وانت عن عيني بعيد
مشاغلك واجد واقدر ظروفك

شوقي لشوفك .. كل ما اكتب لك يزيد ،
حظ الرساله دام تقدر تشوفك

توني عرفت ان البشر عندها عيد
ولا قبل كنت احسب العيد شوفك !

بـ ليلة عيد / وضلوعي عليك تنوح
هذا الوقت المناسب ، لجل تنساني !

انا مع دفتري مع صوتي المبحوح
ولا واحد .. قدر يتقبّل الثاني

ولو بعض السوالف مالها مصلوح
لكنّ الطيب ، مدري وين ودّاني

اثرك البارق اللي في سماي يلوح
اجيه وكل ماجيته .. تعدّاني

وانا اللي قبل تخطي ، قلت لك : مسموح
ما اقصّر فيك / لو قصّرت بـ اخواني

بنيت من الشعر ، والابتكار صروح
على شانك / تغنّت فيك قيفاني .،

بديتك .. ركني الهادي ، ونبض الروح
بتوزيعي ، وتأليفي .. وبـ الحاني .،

ونهيتك .. نصّ حلم ، وذكريات وبوح
وملامح .. لو تدوّرها بـ تلقاني ..

ماهو لجل الغرام .. اضحك وانا مجروح
لكن الذل / ما جا راس ديحاني

أخذ ، كل القصايد ، والغرام .. وروح
وانا بالذكريات ، ابدا ركن ثاني !

مخرج :

لوّ القدر غيّرك .. محدٍ يغيّرني ,
في ضيق الايام دوّرني وتلقاني ,

هجرك اللي نسيته .. كيف يذكرني ؟
وقلبك اللي يبيني .. كيف ينساني

حامد زيد