موال لمصر !!!

موضوع: موال لمصر !!! 2012-10-30, 6:35 am

يا بنت بنت النيل

هاتى الايدين مدى

فى الخط نزامل ..

دا الخلق فيها البور

والسكه عايزه النور

يا بنت بنت النيل

شدى معانا الحيل

علشان نزيح ونشيل

على همنا ونعدى

وتروق لنا المواويل

يا مصر يا ريحة الأمان

والغيطان والضل

هاتى الربابه ..

هاتى الربابه همنا وهاتى

اباريقك الفضه..

للعطشانين المخلصين بصى

ياصبيه ياللى مسافرة

على جناح الامل..

رايحه و سارحه..

سارحه ف بكره..

بكره هلال ما اكتمل

ع البعد لايح واحنا

نحلم بيومنا الاحلى

محلى اللى جى ومحلى

وهج الأمل جوانا

من نيلها ياما اترويت

وم النسيم برضه جيت

ومن ترابها بقالى بيت

ولولاها هى ما بقيت

ولا بقالى فى الدنيا شان

يا حب عشقته فى كيانى

يا شمس بحضن دفاتى

يا طهر نشأنى ف ايمانى

يا ايد م الغربه وخدانى

وايه قيمتى بلا عنوان

فؤاد حداد

موضوع: رد: موال لمصر !!! 2012-10-30, 6:41 am

من فوق برج الجزيرة الله .. الله على سحرها

بلد العز الكبيرة ... العالية الابهة

وشواهد مجدنا ... و بشاير سعدنا

من ماضى عهدنا ... شايفها من هنا

من فوق برج الجزيرة الله .. الله على سحرها

قدامي الاهرامات .. بتحكي المعجزات

و تتحدى الزمن

و ابو الهول الأمين .. من الآف السنين.. حارس على الوطن

و بعد طول سكوته ... نطق و سمعنا صوته

ملا بالنورعنينا .. و حكى لناعن ماضينا

و امجادنا الكبيرة .. و الدنيا في مهدها

من فوق برج الجزيرة الله .. الله على سحرها

و في حلوان و شبرا .. انا شايف نهضة كبرى ... مصانع عالمدد

ثورتنا انشاتها و بهمة دورتها ... إيدين مالهاش عدد

إيدين ابطال زراعة ... وإيدين ابطال صناعة

و المجد الاقتصادى .. رفع أعلام بلادى

بين الامم الكبيرة .. و بقينا زيها

من فوق برج الجزيرة الله .. الله على سحرها

و من بعيد بقلبى .. شايف إيدين حبايبى .. بتعلى فى البنا

بادعي و اقول ياربى .. بارك جهاد قرايبى .. و نولنا المنى

بثورة الكرامة .. و العزة الشهامة

آلهى كون ناصرنا ... و أرحم جمال ناصرنا

و امالنا العظيمة ... يارب تمها

من فوق برج الجزيرة الله .. الله على سحرها

حيرم الغمراوى

موضوع: رد: موال لمصر !!! 2012-10-30, 6:48 am

يا شعب مصر اللى سابقة ضحكته غضبه
ما يطلع الصبح إلا وصحبتك سببه
يا مونس الأرض من وحشتها فى الأكوان
يا حجة الشمس تفضل طالعة ساعة كمان
مستأذنة وهى مش عادتها الاستئذان
متونسة بالميدان وبعشرته ونسبه
إفرح وكمل وما تقولشى كده كفاية
الثورة دى بداية زى الهجرة والميلاد
الثورة دى بسملة كمل بقى الآية

●●●

مع كل مرة قراية حسنها يزداد
والآية تجرى تسلم أختها الراية
من غير نهاية وحتى الوقف مش معتاد
وبكرة أيامنا تبقى حكاية ورواية

●●●

عن ناس يباتوا حفايا يصبحوا أسياد
خمسة وعشرين يناير يا شباب حصل ايه
لو قلنا يعنى على الساعة تلاتة الفجر
فى حد فينا طِوِل أو جد حاجة عليه
أو جاب سلاح أو ملايكة بشروه بالنصر
كان اختلف فينا إيه عن أى يوم قبليه
نمنا غلابة، صحينا احنا ولاة الأمر
كان عرش مصر ف أُوَضْنا واحنا ناسيينه
راميين هدومنا على شماله وعلى يمينه
طردنا عنه الحرامى غصب عن عينه
ونزلنا ع الميادين فى إدينا شايلينه
بقوا الملوك فى الشوارع والعبيد فى القصر
وف يوم وليلة اكتشفنا ان احنا والنبى مصر
ومصر مش حد تانى غيرنا يعنى يا بيه
وكل واحد سأل طب كنا ساكتين ليه
وشعب مين اللى كانوا الزُّطِّ حاكمينه
بدولة شومة ومختومة بختم النسر
وكل واحد قرا اللى كان على جبينه
رفع بدمه يمينه هْدية وهداية
لو كانت الأنبيا ع المية مَشَّاية
لاجلك يا مصر مشينا باسمين ع الجمر
يا مصر وافتكرى أصل الدنيا نسايه
الملك ده حقنا ومفيش فراعنة جداد
إفرح وكمل وما تقولشى كده كفاية
الثورة ده بداية زى الهجرة والميلاد
مش بس مصر اتغيرت من وقفة الميدان
فيه مساحة ضلمة نورت فى طبيعة الإنسان
فيه حاجة ف طبيعة البشر زى السمع زى البصر
زى اكتشاف القدرة ع الطيران
فيه حاجة كت ضايعة وبانت
خلت الأمة استعانت
عالشقا بالله وهانت
هذه الدنيا على الفتيان
ارقينا وارقيهم يا عم الشيخ
فى حاجة خلت يشمك التاريخ
ينزل عن الوجه الجميل فيبان
فى حاجة أصلا فى الطبيعة تدعو للثورة على السلطان
شوف الشجر رغم الحجر طارح ثمر زى الخبر وبتعلنه الأغصان
شوف الهوا حب اللِّوا فبقوا سوا هبَّة لها ألوان
شوف القمر يفضل قمر تحت الحصار
رغم اقتناعه إنه هايموت قبل ما يشوف النهار
تحصل مفاجأة تطلع الشمس ف حضوره
يختلط نورها بنوره
تشبهه ما تقولش واحدة من ولاده
هى معناه وامتداده
واخدة منه الموهبة والبغددة
وعشان كده
لغة يقولوا عنهم القمران
شوف النجوم ما لهاش نظام حاكم
تكسر كلمة العالم
يبص ويبقى مش فاهم
وهو شايفها ماشية بكيفها فى الأكوان
فيه حاجة غامضة بتكتشف
هى اللى بتخلى الحصان اللى اتحدف
من بطن أمه ولسه مش عارف يقف
يقزح ويجرى ويعرف انه حصان
فيه حاجة بتخلى السجين المستكين فى كل حين اشطر من السجان
فيه حاجة بتخلى القوى عيِّل قوى وبيتلوى من نكتة الغلبان
فيه حاجة بتخلى عيون الخلق ما تنامشى
وبتخلى المدن تمشى
وتخرج زى كلمة حق من غير قصد مابترجعش لو طلعت
وم الأسمنت والأسفلت يفلت فلت نهر مقدس الجريان
فليحذر السلطانُ زحف الغابة
والورد لما استأنسالدبابة
داب الحديد من لمسته دوبان
فيه حاجة خلت خطة الموت ترتبك
عابس وعايز يشتبك
خاف من ضحية جاية ناوية تاخده بالأحضان
وإذا بهذا الفجر يا اخواننا اتولد بيننا
وكنا احنا بنستنى وهو كمان بيستنا
واتاريه بس عايز إذن منا وهو فى يميننا
فلما أذنا خد منا وعطانا أمان
يا فجر يا سابق صياح الديك
يا شعب يا مشبك إيديك فى إديك
وكأنها خط الثلث فى آية القرآن
إديت لآدم معنى تانى زاد على كل المعانى
وربنا قال هو ده قصدى وده غرضى
كده بالظبط لا زيادة ولا نقصان
●●●

اعلم يا هذا الجيل ان الوطن بشره
لو مصر من غير نيل كان شعبها حفره
مش وصلوا بحرين وبنوا جبال اتنين
وف ظرف أسبوعين على خوفهم انتصروا
والخوف ده شىء معروف بيفرعن الحلوف
رزق الملوك الخوف من غيره يندثروا
رزق الملوك بقشيش من خوفنا شعب وجيش
ومفيش ملك بيعيش لو شعبك افتكره
ناس لسة فى العشرين طالعين على الميادين
بيهزأوا السلاطين من غير ما يعتذروا
يا سادة الايام يا رافعين الهام
من بكرة بر الشام نادر لكم شجره
نادرها تين وزتون فى القدس ينتظرون
جيش ع الغلابة حنون وعلى العدى ضرره
يا شعب يا مجنون علم شعوب الكون
اللى اخترع فرعون قادر يجيب خبره

●●●

قلت لصحابى انزلوا وانا بعيد عنهم
وقلت من بات فى بيته سلم اصحابه
وانا اللى غبت وهمه اللى هنا اتصابوا
نزلوا الشباب الميدان وانا بعيد عنهم
كسروا الشباب البيبان وانا بعيد عنهم
خرج الشباب م البيوت وأنا بعيد عنهم
دخل الشباب فى الموت وانا بعيد عنهم
يا موتى قوم امتحنى أعتذر منهم
اشمعنى يا كلب تستثنينى من بينهم
يوم الخطر قبلها ما كنت اجبنهم
يا موت تعالى اعوض غربتى ومنفاى
يا موت تعالى أحاسبك ع القديم والجاى
يا موت تعالى ونتقاسمك أنا وعداى
ولا تطال عزوتى وانا بعيد عنهم
لما تشوف الشهيد تبقى السلامة خجل
وتبقى عايز تقول له يا أخى آسف
طب قول لى بس اعمل ايه، لو يعنى فيها عمل
اللقمة دى لك نصيب فيها باشيلهولك
واشيل نصيبك من القاعدة وكاسات الشاى
لكن نصيبك فى أنفاسى أشيله إزاى
وازاى أشيللك نصيبك من فرحنا الجاى
ساعات ألاقينى باطلب خط محمولك
بعمل فى نفسى كده ليه، لسه مش عارف
وروح على القهوة أسأل، هو جه وسأل
من قال لك الموت طبيعى يبقى مش شايف
الموت ده شىء مش طبيعى الموت ده أصله خلل
الأصل فينا الخلود وهييجى يوم نلقاه
ما تحسبوش الشهيد حط فى إيديكو حياة
ما موتوش هو وحده اللى برصاصة رماه
ده طخ ابنه اللى لسه ما اتولدش معاه
وطخ أولاد ولاده لآخر الأيام
موت معاه بشرية كاملة محتملة
وعدوا كان فيها كام شاعر وكام رسام
وكام طبيب عبقرى بين الأطبة إمام
وفيلسوف له على حكم الليالى كلام
وبنت نظرتها تشفى القلب من داؤه
فى شعب كامل رحل ما عرفش أسماؤه
فيجسم كل شهيد فيه مصر مكتملة
فخلوا مصر اللى فاضلة تعيش كما شاؤوا

تميم البرغوثى

موضوع: رد: موال لمصر !!! 2012-10-30, 6:52 am

انا قلت مصر ... الأصل والحنيه

وانا جيت اغنى ... طلع الغنا هيه

يا مصر يا نبض الدموع

بالخشوع بين الضلوع

قلبى يصلى بأسمك

وراسمك

حوارى وسكه ...

خلايق شقايق معيشه

فى لقما شريفه وهم ..

ودم العروق اللى جارى

كنيلك ..

فى قلب الشقوق الشراقى

يغنى ..

يترجم انين السواقى

اغانى لمصر

لفيت وجيت كل بيت فيكى

وكل حاره وشارع وكل مدان ..

لفيت وبصيت وحسيت ببانيكى

وعرفت انه م رجال انسان ..

الصبر صبه مبانى

والحب بذره ف غيطانى

ومنين اطول المعانى ..

للى بنى مصر

واسس البنيان

فؤاد حداد

موضوع: رد: موال لمصر !!! 2012-10-30, 7:11 am

مصر هي امي.. نيلها هو دمي

شمسها في سماري.. شكلها في ملامحي

حتى لوني قمحي.. لون خيرك يا مصر

مصر...... مصر

ما تلاقيش مثالها.. ست كل عصر

ضلة جنب نيلها.. تسوى الف قصر

ولا وردة بلدي .. فيها عطر مصر

ولاجو مصر.. ولا سحر مصر

مصر...مصر.....

فاتك نص عمرك.. ياللي ما شفت مصر

ده السماحة روحها .. والشهامة مصر

والكرامة هي .. والخلود في مصر

والتاريخ في مصر.. والهرم في مصر

مصر....... مصر....

يا ارض المحبة .. يا غالية يامصر

روحنا ونور عيوننا .. لحياتك يامصر

لولا كان ميلادي .. في ارضك يامصر

لاتمنيت يابلدي .. تبقى امي مصر

مصر .. هي مصر

عبد الوهاب محمد

موضوع: رد: موال لمصر !!! 2012-10-30, 7:13 am

قوم يا مصرى مصر دايما بتناديك
خد بنصرى نصرى دين واجب عليك

يوم ما سعدى راح هدر قدام عينيك
عد لى مجدى اللى ضيعته بأيديك

شوف جدودك فى قبورهم ليل نهار
من جمودك كل عضمة بتستجار

فين أثارك ياللى دنست اﻷثار
دول فاتوا لك مجد و أنت فوت عار
***
شفت اى بلاد يا مصرى فى الجمال
تيجى زى البلد اللى ترابها مال

نيلها جى السعد منه حلال بلال
كل حى يفوز برزقه عيشته عال

يوم مبارك تم لك فيه السعود
حب جارك قبل ما تحب الوجود

ايه نصارى و مسلمين قال ايه و يهود
دى العبارة نسل واحد مـ الجدود
***
ليه يا مصرى كل أحوالك عجب
تشكى فقرك و أنت ماشى فوق دهب

مصر جنة طول ما فيها أنت يا نيل
عمر أبنك لم يعيش أبدا ذليل

بديع خيرى

موضوع: رد: موال لمصر !!! 2012-10-30, 7:16 am

يسلم ترابها الاسمرانى

يسلم شجرها الاخضرانى

تسلم لنا مصر الحبيبة

ملناش حبيبة غيرها تانى

لو عديت على ناس

بتقولك مرحب مرحب يا انسان

لو عديت على ناس

فى قلوبهم طيبه و حب كبير و حنان

لو عديت على ناس

تفتحلك دارها و تاخدك بالاحضان

اعرفهم تعرف بلادى

تعرف انك فى بلادى

عيون بلادى

روح بلادى

ناس بلادى

لوعديت على نجم مدور

امله منور كل السما

لو عديت على بر مزهر

ابيض واخضر عالى هواه

لو عديت على ناي بينادى

بنغم هادى حـــلو نــــــداه

اعرفهم تعرف بلادى

تعرف انك فى بلادى

نغم بلادى

نسيم بلادى

ناس بلادى

لو عديت على مصنع

داير ليل ونهار صاحى وسهران

لــو عــديــت عـــلى نـــاس

بتشيل بدراع شابين وجبين عرقان

لو عديت على اهرام عالية

وتماثيل باقية بقالها زمان

اعرفهم تعرف بلادى

تعرف انك فى بلادى

امل بلادى

تاريخ بلادى

ناس بلادى

عبد الرحيم منصور

موضوع: رد: موال لمصر !!! 2012-10-30, 7:18 am

مصر يا اول نور في الدنيا ... شق ظلام الليل

احسبي عمر النور في الدنيا... يطلع عمر النيل

النور من هنا... والخير من هنا

ليه اسكت انا ... وما اقولش واعيد

دمانا لهب قلوبنا دهب ... وعلم وفن كتاب وشهيد

اول مصابيح العلم انتي... علمتي يامصر ونورتي

اول زرع انتي اللي زرعتي... اول خط انتي اللي رسمتي

وبنيتي الدنيا وهندستي... وخلقتي الطب وطببتي

ويحكي الحجر حكاية بشر ... تاريخهم زي الحلم جميل

يابلد الفدا والنور والهدى ... ان ميلتي كده الدنيا تميل

مصر يا اول نور في الدنيا ... شق ظلام الليل

احسبي عمر النور في الدنيا... يطلع عمر النيل

ياعروسة النيل ياسمرا ... يا اصيلة يا ابية

انتي مهما يقولوا عنك ... وردة الامة العربية

في قلوبنا نصونك.. بلدي ... عمرنا مانخونك.. بلدي

ونقدم روحنا.. بلدي ... فدا ضي عيونك .. بلدي

دا مش صوتي انا ... ده صوت شعبنا ابو قلب نبيل

باعتني انا اقول من هنا ... بكل الغنا وبحس جميل

مصر يا اول نور في الدنيا ... شق ظلام الليل

احسبي عمر النور في الدنيا ... يطلع عمر النيل

خمسين مليون دقة في دقة ... قلبك قلب المصريين

العشاق احنا والعاشقة ... مصر اللي ولادها ملايين

وشبابك حاضر .. بيقولك حاضر

مين تاني غيرك .. نعمل له خاطر

دا يومك عمل .. وفجرك امل

ياساكنة قلوبنا .. جيل ورا جيل

في حبك سوا .. واخدنا الهوى

احبه مافينا .. قلب بخيل

عبد الرحمن ابو ماضى

موضوع: رد: موال لمصر !!! 2012-10-30, 7:24 am

صلاح جاهين

على إسم مصر

النـخـل فـى العـالـى والنـيل ماشـى طوالى
معـكـوسـة فـيه الصـور .. مقـلوبة وانا مالى
يـاولاد انـا ف حـالـى زى النقـش فى العواميد
زى الـهـلال اللـى فــوق مـدنة بنـوها عبـيد
وزى بـاقى العـبـيد باجـرى عـلى عيـالــى
بـاجـرى وخـطـوى وئـيـد من تقل أحـمالى
محنـية قـامـتى .. وهـامتـى كـأن فيـها حديد
وعيـنـيا رمـل العـريـش فيـها ومـلح رشيد
لكـنى بافـتـحها زى اللـى اتـولـدت جـديـد

موضوع: رد: موال لمصر !!! 2012-10-30, 7:28 am

على إسم مصر

مصر .. التلات احرف الساكنة اللى شاحنة ضجيج
زوم الـهـوا وطـقـش مـوج البـحـر لما يهيج
وعجيـج حـوافـر خـيـول بتجـر زغروطـة
حـزمـة نغم صعب داخـلة مسامـعى مقروطـة
فى مسـامى مضغوطـه مـع دمـى لها تعاريـج
تـرع وقـنـوات سـقت من جسـمى كل نسـيج
وجمـيع خيـوط النسـيج عـلى نبـرة مربوطـة
أسمـعها مهـموسـة والا اسمـعـها مشخـوطـة
شبـكة رادار قلـبى جـوه ضلـوعى مضبوطـة

موضوع: رد: موال لمصر !!! 2012-10-30, 7:29 am

على إسم مصر

وتـرن مـن تـانى نفـس النبـرة فى ودانــى
ومـؤشـر الفـرحـة يـتـحرك فـى وجـدانـى
واغـانـى واحـشانـى بـاتذكرهـا ما لهاش عد
فيه شىء حصـل أو بيحـصل أوح يحـصل جـد
أو ربـمـا الأمـر حـالــة وجـد واخـدانـى
انـا اللـى يـامـا الهـوى جـابنـى وودانــى
وكـلام عـلى لسـانـى جـانـى لابـد اقوله لحد
القمـح لـيـه إسـمـه قمـح اليـوم وأمس وغد
ومـصـر يـحـرم عليـها .. والجـدال يشـتـد

موضوع: رد: موال لمصر !!! 2012-10-30, 7:30 am

على إسم مصر

وتـرن مـن تـانى نفـس النبـرة فى ودانــى
ومـؤشـر الفـرحـة يـتـحرك فـى وجـدانـى
واغـانـى واحـشانـى بـاتذكرهـا ما لهاش عد
فيه شىء حصـل أو بيحـصل أوح يحـصل جـد
أو ربـمـا الأمـر حـالــة وجـد واخـدانـى
انـا اللـى يـامـا الهـوى جـابنـى وودانــى
وكـلام عـلى لسـانـى جـانـى لابـد اقوله لحد
القمـح لـيـه إسـمـه قمـح اليـوم وأمس وغد
ومـصـر يـحـرم عليـها .. والجـدال يشـتـد

موضوع: رد: موال لمصر !!! 2012-10-30, 7:31 am

على إسم مصر

ولما زمانى رمانى عليل
نسيت كل شىء عن حبيـبى الجميل
لكن هو أبـدا
انا مانساهوش
نسيت مشيته وصوته كان شكـله إيه
ورسمة شفايـفه
ولمـسة إيديـه
نسيت نظـراته
نسيت لون عينيه
وقوس الحـواجب وسهـم الرموش
لكن هو أبــدا
انا ما انساهوش
نسيت إسمه وحكايـته وعرفـته فين
وعشنا سوى العمر
والا يومـين
وكان م البشر
والا طير بجناحين
نسيت حتى كان له وجود أو مالوش
لكين هو ابـداً
أنا ما انساهوش
قطـعوا الأغـانـى وطـارت نشـرة الأخـبـار
دارت عـلى كـل دار فـى الكـوكـب الــدوار
يـا حاضـرين اعلـموا الغايبـين بأنـه فى مصر
اتغـير الاسـم منـذ الآن فأصـبـح .. مصــر
ضـحك التاريـخ ضحكـته المشهـور بها واندار
ودخـل مناقـشة مـع الجـغرافـيا عـما صـار
هـل نعـترف بالبـيـان اللـى أذيـع العـصـر
أم ننـتـظر مصـر تـطـرد اسرائـيل بالقسـر
وسـاعتـها تحـصل بكـل جـدارة يـوم النصر

موضوع: رد: موال لمصر !!! 2012-10-30, 7:33 am

على إسم مصر

عـلى إسـم مصـر التـاريـخ يقدر يقول ما شاء
أنـا مصـر عنـدى أحـب وأجـمـل الأشـيـاء
بـاحبـها وهـى مالـكه الأرض شـرق وغـرب
وبـاحـبها وهـى مـرمـيـه جـريحـة حـرب
بـاحبـها بعـنـف وبـرقـة وعـلى استـحيـاء
واكـرهـهـا والـعـن أبوهـا بعـشق زى الداء
واسيـبها واطفـش فى درب وتبـقى هى ف درب
وتلـتـفـت تـلقـيـنى جنـبـها فـى الكـرب
والنبـض ينفـض عروقـى بألف نغـمة وضرب

موضوع: رد: موال لمصر !!! 2012-10-30, 7:34 am

على اسم مصر

مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت

موضوع: رد: موال لمصر !!! 2012-10-30, 7:36 am

على اسم مصر

مصر السما الفزدقي وعصافير معدية
والقلة مملية ع الشباك .. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال

موضوع: رد: موال لمصر !!! 2012-10-30, 7:37 am

على اسم مصر

رحـيـلاً رحـيـلاً بغيـر هـوادة
رحـيلاً فإن الـرحـيل سعـادة
عبادة
إرادة
سيادة
ولادة
رحـيـلا .. إلى أين لـيس يـهـم
ولـيس يـهـم بأي وسيـلة ..
أجيـراً بلقمـتـه في البـواخـر ..
عـلى واحـد من جيـاد القبيلة ..
على مقعـد في ذرى الجـو فـاخـر
وتمـلأ الكـأس بنت جمـيلة ..
على قدمي .. أو بفكري .. أهاجر
أبادر....أغادر
أخاطر....أسافر
ولـكـن إلى أيـن .. لـيس يـهـم
إلى حيث لا تعبـر الأفـق شمس
إلى القـطب .. أو حلقة الاستواء ..
إلى حـيث يـسمـع لـلجـن همس
إلى بـاطـن الأرض أو في الـفضـاء
إلى مـرفـأ الغـد .. أو أرض أمس
أرى كل شيء ومن أين جاء
وافعل ما قاله القدماء
من الفقراء ...أو الحكماء
أو الأمراء
أو الأشقياء أو البلهاء فليس يهم
لقد قيل وهو الكلام المهم
اللي يعيش ياما يشوف
واللي يمشي يشوف اكتر
شفت الجبرتي بحرافيش الحسين وبولاق
بان البلد ماشي زي النمس في الأسواق
بالفلاحين ع المداخل من بعيد وقريب
بالأرنؤوط بالشراكسة بكل صنف عجيب
مترصصين سور رهيب مزراق في ريح مزراق
كأنهم لا بشـر ولا خلقـة الخـلاق
ومصر فلاحة تزرق بين رقيب ورقيب
من غير أبو الهول ما ينهض ناهضة شايله حليب
والصبح بدري الجبرتي ينام وقلمه يسيب

موضوع: رد: موال لمصر !!! 2012-10-30, 7:39 am

على اسم مصر

مصر اللي عمر الجبرتي لم عرف لها عمر
وطلع لقاها مكان مليان عوام و زعر
جعيدية غوغاء يجيبوا تملي وجع الراس
و خليط أفارقه هنادوة روم ملل أجناس
و الترك في القلعة و المماليك خدودهم حمر
كان عمرها ستلاف سنة .. كلها سنين خضر
بس الزمان يختلف زي اختلاف الناس
ناس تبني مجد وحضارة وناس بلا احساس
و ناس تنام لما يزحف موكب الأحداث

موضوع: رد: موال لمصر !!! 2012-10-30, 7:39 am

على اسم مصر

مصر اللي عمر الجبرتي لم عرف لها عمر
وطلع لقاها مكان مليان عوام و زعر
جعيدية غوغاء يجيبوا تملي وجع الراس
و خليط أفارقه هنادوة روم ملل أجناس
و الترك في القلعة و المماليك خدودهم حمر
كان عمرها ستلاف سنة .. كلها سنين خضر
بس الزمان يختلف زي اختلاف الناس
ناس تبني مجد وحضارة وناس بلا احساس
و ناس تنام لما يزحف موكب الأحداث

موضوع: رد: موال لمصر !!! 2012-10-30, 7:40 am

على اسم مصر

أنا اللي اسمي حتحـور .. أنا بنت رع
مثـال الأمـومـة ورمـز الحـنـان
تفـيض حـلمـاتي وتمـلا الـتـرع
وتسـقـي البـشـر كلهـم والغـيـطان
أنـا ربـة الحـب حتـحـور أنـا
أنـا السيـدة المـنـجدة المـغـرميـن
وكـم مـن محـب ف هـواه انـضـنى
دعـاني وطيـبـت خـاطـره الحـزيـن

أنـا طـيبـة انمـا طـبـعي صـعـب
وديعـه .. ولـو ثـرت بـطشـي مـهـول
ما اشـوفش اللي قدامي لو ألف شعب
أدوسـهـم وتجـري دمـاهـم سيـول

ويـوم رع ما فـات بسنـاه في السـما
وكل العيـون خايفـة تنـظر اليـه
وجـالـه القمـر خلقتـه معتـمة
وعـدى قصـاده .. وضـلم عـليه

يا ويـل الـلي فتـح في ابـويا العـظيم
يا ويل من تطاول يا ويل من ضحك
يا ويـلك يا مصـر مصيرك الـيم
أنا اللي اسمي حتحور انا ح امسحك
يحـاول يهـديني رع ما اسمـعـوش
وادمـر واطـيـح في البلاد والعبـاد
أنـا الـطيبـه .. كنت زي الوحـوش
سفـكـت دماء البـنـات والـولاد

دبـحت المحبـين في عـز القبـل
هـدمت المعابد على المنشدين
قلبت على النحـاتين الجبل
حرقت الغيـطان هم والفلاحين

لحد ما رع نـادى ع الآلهة
وقال صـبوا في النهر كل النبيذ
وشفت الميـاه حمرا ومزهزهة
وظنيتها دم الضحايا الـلذيذ

شربت انتقامـاً شربـت شربـت
وأنا بالـعن المفتـري والغبـي
وحبـة بحبـة عن الوعـي غبت
ونمت على النيل في ضي أبي

وقمت .. بكيت من فؤاد أم ثكلى
ونهنهت فوق صدر مصر العريض
على العالم المبدورين جنبي قتـلى
وكان دمعي ينصب في النيـل يفيض

واقول ليه يا مصـر ولادك كـده
يا إمـا المذله يا يتـجبـروا
يا خوفـي يا فـرحة قـلوب الـعدا
ويا نـدمـي لو ما يتغيـروا

ومن يـومها والنيـل في نفس المعاد
يفيض كل عام قبل فصل الخـريف
بلون حمرة الـدم يملا البلاد
ويملا النسـأيـم بعـطر مخـيف

بعطري أنا الـلي اسمي حتحور أنـا
وعـطري مخـيف وحـنون وطـري
يفـرح بس مـرة في كـل سنة
ويهمس يا مصر اذكـري .. واحـذري
نهايته يا مصر اللي كانت أصبحت وخلاص
تمثال بديع وانفه في الطين غاص
وناس من البدو شدوا عليه حبال الخيش
والقرص رع العظيم بقى صاج خبيز للعيش
وساق محارب قديم مبتورة ف أبو قرقاص
ما تعرف اللي بترها سيف والا رصاص
والا الخراب اللي صاب عقل البلد بالطيش
قال ابن خلدون أمم متفسخة تعيش ليش
وحصان صهل صحى جميع الجيش

موضوع: رد: موال لمصر !!! 2012-10-30, 7:41 am

على اسم مصر

أنا اللي اسمي حتحـور .. أنا بنت رع
مثـال الأمـومـة ورمـز الحـنـان
تفـيض حـلمـاتي وتمـلا الـتـرع
وتسـقـي البـشـر كلهـم والغـيـطان
أنـا ربـة الحـب حتـحـور أنـا
أنـا السيـدة المـنـجدة المـغـرميـن
وكـم مـن محـب ف هـواه انـضـنى
دعـاني وطيـبـت خـاطـره الحـزيـن

أنـا طـيبـة انمـا طـبـعي صـعـب
وديعـه .. ولـو ثـرت بـطشـي مـهـول
ما اشـوفش اللي قدامي لو ألف شعب
أدوسـهـم وتجـري دمـاهـم سيـول

ويـوم رع ما فـات بسنـاه في السـما
وكل العيـون خايفـة تنـظر اليـه
وجـالـه القمـر خلقتـه معتـمة
وعـدى قصـاده .. وضـلم عـليه

يا ويـل الـلي فتـح في ابـويا العـظيم
يا ويل من تطاول يا ويل من ضحك
يا ويـلك يا مصـر مصيرك الـيم
أنا اللي اسمي حتحور انا ح امسحك
يحـاول يهـديني رع ما اسمـعـوش
وادمـر واطـيـح في البلاد والعبـاد
أنـا الـطيبـه .. كنت زي الوحـوش
سفـكـت دماء البـنـات والـولاد

دبـحت المحبـين في عـز القبـل
هـدمت المعابد على المنشدين
قلبت على النحـاتين الجبل
حرقت الغيـطان هم والفلاحين

لحد ما رع نـادى ع الآلهة
وقال صـبوا في النهر كل النبيذ
وشفت الميـاه حمرا ومزهزهة
وظنيتها دم الضحايا الـلذيذ

شربت انتقامـاً شربـت شربـت
وأنا بالـعن المفتـري والغبـي
وحبـة بحبـة عن الوعـي غبت
ونمت على النيل في ضي أبي

وقمت .. بكيت من فؤاد أم ثكلى
ونهنهت فوق صدر مصر العريض
على العالم المبدورين جنبي قتـلى
وكان دمعي ينصب في النيـل يفيض

واقول ليه يا مصـر ولادك كـده
يا إمـا المذله يا يتـجبـروا
يا خوفـي يا فـرحة قـلوب الـعدا
ويا نـدمـي لو ما يتغيـروا

ومن يـومها والنيـل في نفس المعاد
يفيض كل عام قبل فصل الخـريف
بلون حمرة الـدم يملا البلاد
ويملا النسـأيـم بعـطر مخـيف

بعطري أنا الـلي اسمي حتحور أنـا
وعـطري مخـيف وحـنون وطـري
يفـرح بس مـرة في كـل سنة
ويهمس يا مصر اذكـري .. واحـذري
نهايته يا مصر اللي كانت أصبحت وخلاص
تمثال بديع وانفه في الطين غاص
وناس من البدو شدوا عليه حبال الخيش
والقرص رع العظيم بقى صاج خبيز للعيش
وساق محارب قديم مبتورة ف أبو قرقاص
ما تعرف اللي بترها سيف والا رصاص
والا الخراب اللي صاب عقل البلد بالطيش
قال ابن خلدون أمم متفسخة تعيش ليش
وحصان صهل صحى جميع الجيش

موضوع: رد: موال لمصر !!! 2012-10-30, 7:43 am

على اسم مصر

حصان عرابي جميل حصان عرابي أصيل
حصان عرابي رشيق ديله طويل
يسهر مع الخيل طول الليل يتكلم
ويقول أراء رغم إنه ماكانش متعلم
ويقف في عابدين وياخذ زاوية البروفيل
للرسامين يرسموه ونشوفه جيل ورا جيل
ويعدي كالريح على المجاريح ويسلم
وحافره ع الصخر في التل الكبير علم
ولما صابه انفجار القنبلة اتالم

موضوع: رد: موال لمصر !!! 2012-10-30, 7:44 am

على اسم مصر

والمس حجارة الطوابي وادق بكعابي
يرجع لي صوت الصدى يفكرني بعذابي
يا ميت ندامة على أمة بلا جماهير
ثورتها يعملها جيشها ومالها غيره نصير
والشعب يرقص كأنه عجوز متصابي
إنهض من القبر احكي القصة يا عرابي
يطل لي رافع الطهطاوي م التصاوير
شاحب ومجروح في قلبه وجرح قلبه خطير
وعيونه مغرورقين بيصبوا دمع غزير

موضوع: رد: موال لمصر !!! 2012-10-30, 7:45 am

على اسم مصر

مالك سلامتك بتبكي ليه يا طهطاوي
قال لك عرابي .. انكسر بسلاح أوروباوي
وسلاح أوروبا ماهواش المدافع بس
ده فكر ناقد مميز للثمين والغث
قلناها ميت ألف مرة
ألف مرة بصوت جهير داوي

بس الحماقة لا ليها طبيب ولا مداوي
ولا حد م الخلق بالخطر اللي داخل حس
الغفلانين اللي خلوا العقل صابه مس
قالوا الخطر هو فكر أوروبا لو يندس

موضوع: رد: موال لمصر !!! 2012-10-30, 7:46 am

على اسم مصر

أحسنت في القول صحيح يا ولد يا متنبي
جبت اللي جوه الفؤاد عن مصر متعبى
وحكمت بالعدل لكن بعضنا انظلموا
" يا أمة ضحكت من جهلها الأمم "
العلم كان عندنا من صغره متربي
لكنه هاجر وعدى البحر متخبي
لما الإيران هجموا ثم اليونان هجموا
ثم الرومان دمروا ثم التتار هدموا
ثم الجميع كل واحد جه مسح قدمه

» موال حزين جدا وجميل
» موال من أبوحيدر حباب
» صور نادره لمصر زمان
» موال جميل عن الغربة
» موال رائع للأم من حاتم العراقي