والغيم ندّى آه..

موضوع: والغيم ندّى آه.. 2014-02-23, 11:22 pm

والغيم ندّى آه..
========
علّمْتني كيف الصلا
بْـ معبد عيون مْقدَّسة
وعلّمتني أنو الصلا
للفارس الـْ مابينّسي
بْسرعة أنا صلّيت
وبعد الصلا صلّيت
صلّيت ما خلّيت
دعوة لرب البيت
يطلع عليِّ فارسي
يقتل بـِ فكري وْساوسي
معليش رح أتحمّلو
مهما قسي
لكن بشرط يكون
عَ شطي رسي
* * *
يا حسرتي
لا فارسي صلَّى
ما طَل.. مَ اتجلَّى
وضاعت صلاتي..
بين دمعة وآه
حتى تْوضَّا بدمعتي
غيم الندي..
والغيم نَدَّى آه
وبْكِيِت ورود من الندي
ما أصعبو هالغيم!!
ما أقساه!!
* * *
ياريت ما علّمتني صلِّي
يا ريت ما صلَّيت
يا ريت مَ حلمت بأمل
يا ريت مَ ترجَّيت
يا ريتني..
مَ زرعت الصلا
ع دراج عمري ..
وْكافرة ضلَّيت

موضوع: رد: والغيم ندّى آه.. 2014-02-24, 4:40 pm

ما زال ذلك الغيم يعاني من مزيد من الالم

توحدت بالشجن بقوافيك

حرفك مطعون بخاصرته ويان من ألمه

احترامات