نهاية ألم جرح كبير

 
يا صاحبي هذي ظروفي ..
والزمن قاسي كثير ..
الله خلقني كالبشر ..
ماني أمير ..
ولاني فقير ..
لكن صواديف الدهر ..
معها مشاوير النظر ..
ويا القلوب الساهية ..
أو الدروب العاثية ..
من ردى حظي .. ومني ..
تستجير ..
هذي بداية قصتي ..
معها نهايات الألم ..
تنهي خواتيم الندم ..
تكتب مدى عصف الزمن ..
تكتب سوالف دمعتي ..
ولا حكاوي من بالهوى محبوبتي ..
من بالهوى حظه فقير ..
هذي النهاية ..
ووهذا إللي مكتوب ولازم يصير ..
كانت هواي ..
وكانت على جوي ومعاي ..
هي وحدها ..
تمتلك همي ورضاي ..
وهي إللي خذت قلبي سجين ..
وصار الزمن ويا السنين ..
محبوبها ..
ونهاية الفجر الحزين ..
لما عيني تجي بعيونها ..
ولما لقيت طيف الفرح ..
في عيونها ..
قلبي أنسرق مني ..
وفي سجون نظراتها صار الأسير ..
لكن رداه الحظ مني أشتكت ..
والجفون في نواظر قصتي ..
من شحها الأفراح ما تقوى .. بكت ..
وش ذنبها غيمة سماي ..؟
تبكي مطر ..؟
وتسقي مدامع ديرتي ..
حزن وقهر ..
آه يا شقاي ..
إللي أنا في الهوى محبوبتي ..
ما تدور عن رضاي ..
بس تجاملني وتقول :
(أنا أحبك) ..
لكني إللي بقلبها ما هو القبول ..
أو الذهول ..
الهوى مو بس كلام ..
مو بس (أحبك) والسلام ..
الهوى شوق وملام ..
الهوى يا بنت آدم ..
قمة أقوال وفعول ..
أنت تدري وش أقول ..؟
أدري ما تدري بكلامي ..
أو تعرف معنى ملامي ..
ولا غرامي ..
إللي خلى حالي في حبها خطير ..
هذي قصة أحزاني والمشاعر ..
صدقني يا صاحبي ماني بهالكون شاعر ..
لكن جبرني حظي العاثر ..
أني أشكي حالي إللي يكسر الخاطر ..
للقريب ..
والغريب ..
وإللي في الهوى ساهر ..
وللحبيب ..
عله يدري بالحال ويخابر ..
عله يدري بالنصيب ..
عله يدري بالحال العطيب ..
وعله يدري ..
أنه مهما كان جافي ..
حبه في قلبي كافي ووافي ..
وأن المشاعر وحظن طيوفه الدافي ..
في برد الشتا وحر الهجير ..
هم دعاوي حاجتي ..
مو أقلك يا صاحبي ..
ماني فقير ..
أو أمير ..
لكن ردى حظي جّرح خطاوي رحلتي ..
جرحٍ كبير .!.
 

إنها من أصعب الجروح التي تتملكن فتختار الصراخ والأنين داخل قلوبنا
ولكن تأبى أن يتعالى صوتها على الجميع لتحرقنا على موقدها فتخنقنا بدخان الوجع
الذي تدمع له العيون الحائرة غصات وشوق وحنين
يالا هذا الفــؤاد المسكين ماذا يحتمل ليحتمل

راق لي كثيرا أخي أبوحيدر تسلم

أبوحيدرحباب
كلمات اجبرتني علي مشاركتك لاحساسي بصدقها
وايماناً مني بقلم يختار اجود المفردات
ماذا أقول لك يا سيد الحرف ومنبع المعاني
وبستان الكلام ..المعطره
لك مني خالص التحيه