قالت ابيك وقلت انا اللي على نار

قالت: أبيك !!! وقلت أنا اللي على ناااار
........... لكنّي أخفي ما اندفع من حنيني

قالت : تبيني ؟؟ قلت : مولَع ومحتار
........... (واخاف لوصرّحت[ لك تحرجيني ) !!!

قالت : من أوّل ؟؟ قلت تصريف الأقدار ....
........... من يوم عينك شاغلت شوف عيني

قالت : هويت ؟؟؟ و قلت : هاويك يا جااار
........... وأهوى جروحي فيك لو تجرحيني

]قالت : أنا ؟؟؟ قلت: انتي العمر لو جار !!
...........وانتي الغرام اللي يطفّي حنيني

قالت : هو الحظ ؟؟؟ قلت : دانة وبحّار !!!
........... إمّا ملكتك ... أو معك تغرقيني

قالت : تصدّق ؟؟ قلت: من غير ما اختار ...
................ أصدّقك من غير ما تقنعيني ....

قالت: أبوح ؟؟؟؟؟ وقلت : يلهمني أشعار
................ بوحك يعيّشني غوالي سنيني

قالت : أكيد ؟؟؟ وقلت : لابد .... باصرار !!!!
............... خلّيني أعرف : وين قلبك ؟؟ وويني ...

قالت : بعمري .. قلت : تفداك الأعمار ....
.............. قالت : بقلبي !!! قلت : كلّي املكيني

قالت : تعاهد ؟؟ قلت أنا العاشق البار ...
.............. دامي ضنينك ... فانت والله ضنيني

قالت: أجيك ؟؟؟ وقلت : يانور من زار ...
................ مع جيّتك كل السعادة تجيني

قالت : يدينك ... قلت : خوذيني إسوار !!!
.................... وحطّت يديها رعشةٍ في يديني

وتنهّدت ... وعيونها تنطق أسرار !!!!
............... قريتها ما بين روحي وبيني ....

حضنتها ....... لميتها ... ما ادري وش صار !!!
............ ما ادري عن اللي صار فيها وفيني !!!

قلت : الحكي خليه يا شمعة الدار .....
................. أنا أفهمك قبل الحكي صدقيني

كالعادة ابداع رائع

وطرح يستحق المتابعة

شكراً لك

بانتظار الجديد القادم
دمت بكل خير

خلال نبضك الجميل

استطعت ان تضيف فصل خامس من فصول السنة

فصل ملئ بالدفئ وملئ بالمشاعر والاحاسيس

فصل جديد بدد الصقيع واعااااااد للارض وللمشاعر وللحياااااة ((الدفئ))من جديد

دمتي بخير

شذى
الاميرة الحزينة
اكبر فخر مروركم من هنا
كل الشكر والاحترام
لكم

» قال :....... وقلت:.........
» ابيك ترجع قبل ما نام
» قال لى صديقى الفيلسوف وقلت له
» انا جيت معي كلمه ابيك تسمعها اجباري
» ~~||ماكذبت امي يوم قالت.....