لايابوى مآ بكيت ,, كنت أمزح ,,بس أمزح!!

يابووى ما بكيت!
كنت أمزح ..بس أمزح !
كانت النية وربي أدفن شحوبي ..
وافرح

وغارت الدمعة .. وطاحت !
ما قويت آردها ..يابوى استحيت.!!

وانت علّمتني إني أروي اللي من وفاهم ما رويت !
يبة ودموعي وفيه ..دايم تذكرني بـ جرحي إن نسيت
هذا ياابوى ( إن نسيت ) !

عاد قول لي ..هو بقى به شي واحد يستحق أبكي عليه ؟!
إلاّ يبة .. هو أنا اللي استحق أبكي عليهه !
لا تقول لي : غبيه.!!
اضحكي للدنيا غنّي !

يبة يمكن ما دريت.. إني دايم أرتوي بالدمع لامنّي ظميت !
إيييييييييه يابووى

أدري طفلة !

بس طفلة جابها للحزن جرحٍ متعِب ..وجدا ( مميت ) !
إي أنا كنّي نسيت .. إنّي أصلاً ما ]بكيت بس دمعي حيل اشتاق لـ كفوفي ..

وقمت آهدهد له وأقول :
( لا يشوفونك دخيلك ... وإن شعرت إنّي بمرّك ..
سو نفسك ما دريت !
" بشكرك " لامن عصيت ! )

وانت ياابوى :
لا يضيق بـ يوم صدرك لو هو استكثرني كذب!
و مرّني في يوم واله !

لك وعد منّي يا بووى ..إني بضحك
......لو على جرحي غفيت!
.............. لو على جرحي غفيت !
..............لو على جرحي غفيت ,,,