هـــــــذاك انــــــــــت

هذاك أنت ياضحكة كمر
بيها الليل ما أثر
ياطبع الورد حلاوه وعطر
العطش بيك ماغير
تلوذ الروح محتامه بأيامك
حرام الذكرى تتبذر
ياغيمة محنه وانا بتموز
واترجه بكيض وتمطر
تعال وشوف ولو بالطيف
تعال ارجوك لاتتعذر
غريب انت كلما تبعد ايامك
اذوب بحبك حيل واتجمر
غريب انت ياعشك روحي
يادمعة ليل تتهور
على خدودي على جروحي
وعلى اشواقي اللي ماتفتر
الك وحدك بشعري يلوك الشيب
وهضم كلبي من اسهر
الك وحدك نذرت أيامي
ياعمري أوصالك أتنطر
هذاك انت وسط روحي ياكل روحي
يانار البيه تتوجر
ياكلمة آه من كلبي وعلى لساني
يختنك صوتي وتتكسر
يتيم اسمك على شفافي دوم
وبكلبي النوح وأتحسر
هنا كعدنه هنا مشينه هنا ودعيتك
ودفنت روحي بلياك ماتصبر
أغار من الموت لوجابوا اسمه
ياعمري الموت بيك ما اثر

انتقاء رائع اموووله

لكى منى كل الشكر