قصيدة شاعريحضرزواج حبيبته

موضوع: قصيدة شاعريحضرزواج حبيبته 2011-01-21, 7:37 pm

أبد .. ما جيت أبارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
قسم بالله ما تدخـل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لأجـل تعطيـك
كذا لازم عشان تفوز إنت .. أخسـر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لـذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شوي حتـى تشتهـي طاريـك
وشاغبها إليـن تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لـك بفـن الضـرب موهبْتـي

صحيح انك بتملكها ومعك العقد بالتمليـك
وانا عارف حـدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقـول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواهـا.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني مـا تفكّـر في محاسبْتي

كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي

انا ما جيت اخرّب عرسك الليلـه ولا آذّيـك
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي

ولكن ما قدرت انّي أقوله وانـت مـا يخفيـك
أخـاف انّـي إذا قلتـه تقـوم وتقطـع رقبتي

لتصفح المصحف الشريف الرجاء الضغط هنا
قصيدة شاعريحضرزواج حبيبته 598689_113920405429237_943765481_n

استعراض المواضيع التي لم يتم الرد عليها

مشكووووووووووووووووور اخى ابو حيدر

لك منى كل الود

..

ابوحيدرملك الحرف وأسير الوجد مبدعنا الرائع
تألقت فتألق الحرف معك
فكان الجمال منظرا والشهد مذاقا والنغم ترنيمة
تشجي المارين وتأسرهم بمعزوفة العشق الفريدة
فتشعل مشاعر العشاق والمشتاقين من
المارين سنذكر ايها الرائع في كل حين صفحاتك
وستكون مرجع لكل عاشق ينتهل منها رشفات لتطفئ
عنده لوعة الاشتياق وحرقة الغرام
ونسعد به كل مالاح
لنا طيف حرفك المغرم دمت نجما
مبدعا دائما

قصيدة شاعريحضرزواج حبيبته Galele-7e07c68bba

لتصفح المصحف الشريف الرجاء الضغط هنا
قصيدة شاعريحضرزواج حبيبته 598689_113920405429237_943765481_n

استعراض المواضيع التي لم يتم الرد عليها

كم يسعدني دوما ان اكون بين سطورك أستمتع بما تكتب....

تقبل مروري

لتصفح المصحف الشريف الرجاء الضغط هنا
قصيدة شاعريحضرزواج حبيبته 598689_113920405429237_943765481_n

استعراض المواضيع التي لم يتم الرد عليها

» قصيدة أشواق
» قصيدة العيد
» من اجمل قصائد قيس في حبيبته ليلى
» قصيدة ستي أم عطا
» قصيدة بدون نقط ؟؟