انكســـــــــــــــ ـــــــاري

انكســـــــــــــــ ـــــــاري

انكسرت من الفراق وشوف عينـي

شوف عيني وانت تدري بإنكساري

كـل مامديـت لوصالـك يمينـي

رحت تتجاهل يميني مـع يسـاري

حتى صرت اشوف جرحك في يديني

في يديني لجور صداتـك مـواري

حس فيها لا بلاهـا حـس فينـي

لا تعبرهـا لـكـن رد اعتـبـاري

وين مقفي جعل منـت بمنتوينـي

بالجفا والخوف وانـواع العـزاري

ياهلي يانصـف ربعـي ياخدينـي

ياموانـي غربتـي يـاروح داري

ياشموخـي ياانكشافـي يادفينـي

ياعلـوي يابقائـي يـا انحـداري

يابداياتـي يامائـي يااكسجيـنـي

يا اندثاري يا اعتدالـي يازدهـاري

يابـلادة حسـي وقمـة حنيـنـي

يا اختياري ..لا ياعشواء اختياري

اعشقك من عادني ف اول سنينـي

لين صرت اخذ مع نفسـي قـراري

من عرفتك وانت ثالـث والدينـي

واللجـوء اليـك يعنيلـك فـراري

ضمني خل الضرر بينـك وبينـي

الضرر من ضمتك شي اضطـراري

خل يدينك مـن الجـور اتحمينـي

من جمودي عيشني لين انصهاري

كـل ماضاقـت بعينـي يامعينـي

ابتسمت وصار لي ليلـي نهـاري

إفلا سكت تروح بالطيش اتحكينـي

رجعي بطبعك وبإسلوبك حضـاري

ماذبحنـي فيـك الا انـك تبينـي

وماسحرني الا حكـاك الاستعـاري

لا حكيت احـس بأشيـا تعترينـي

وينخشع قلبي وتطريلـي طـواري

اعشق حكيك واحفظـه ياضنينـي

حفظ بن تيميـه لحكـي البخـاري

ولا سكت احط يـدي فـي جبينـي

وارجـي الله مايطـول بإنتظـاري

ادري اني عندك واسألـك وينـي؟

داري(ن) لكـن ماكنـي بــداري

ليـن شيطانـي تلفـظ بكلمتينـي

ورحت مني ماتبي سمع اعتـذاري

لاتبكيـنـي وتـفـرح عاذليـنـي

لا تخسرني بعـد كبـر انتصـاري

لاتخلينـي بعـد فيضـة كنيـنـي

وانت خابرني على الوصل انتحاري

لا تـروح بروحتـك كـلٍ يجينـي

مانـي مكابـر ولا حتـى مـداري

انكسرت من الفراق وشوف عينـي

شوف عيني وانت تدري بإنكساري