انا كنت بدي ( انساك ) لكن توهقت ؛ كل ما اقول اني نسيتك ذكرتك !!

........( شهيق )

أنا ما أحب الكذب أحبك تصارحني

........... وعشان الغلا كافحت ذنبك وكافحتك

تجيني .. تروح .. تحب .. وإلا تفارقني

.........براحتك .. أنت كبير وتعرف مصلحتك !

شكراً أنا ماني ب حاجة مجاملتك

....................... رح شوفلك ناس تنفع لك تجاملها

أنت قصيدة ليا جيت وتأملتك

....................... " عجزت فيها " ولا أقدر.. أكملها

كنت ب يديني وشكّلتك وجملتك

..................... وحطّمت " أروع أحاسيسي " وأجملها

بكل ما أحمله من نقص كملتك

...................حتى ( حملت الصفات ) اللي أنا أحملها

مو كل صحبة ليا من طحت حاملتك

......................؟.؟؟ ومو كل الأشياء بكتاب نتعلمها

هذا أنا معك .. كلمتك وعلمتك

....................... وفي ناس ما تسمعك مهما تكلمها

منهو تحمل كثر ما أنا تحملتك ؟

.......................... أشيا تحملتها .. محد يتحملها

لا تلومني لا نويت أرحل وهملتك

......................... أنا لي سنين ب التفكير صاملها

( تعامل الناس ) ناتج عن معاملتك

............................ على تعاملْك يتبرمج تعاملها !

( زفير) ..............

تعبت أقول إني أبنسى مع الوقت.........

وتعبت أسترسلْك كل ما اختصرتك

أنا بغيت ( انساك) .. لكن توهقت.........

كل ما أقول إني

نسيتك ذكرتك!