بنت فلجة بالجمال !!

عام 1985

الخطيب : يا عمو بس أنا متخرج جديد من كلية الهندسة والله كتير مهر مليون بمليون

الأب : بس متل مالك شايف
بنتنا فلجة في الجمال


الخطيب : على راسي يا عمو والله لأحطها على راسي و أحطها بصدر البيت مثل جوهرة نادرة

الأب : لسه بكير على جازتها خليها تعيش عمرها لسه كل عمرها 16 سنة ...
مالك نصيب عنا يا ابني

عام 1988

خطيب آخر : بس يا عمو مليونين بمليونين مهر والله كتير ..لسه في عندي بيت و فرش و مصروف عرس ..:wink:

الأب و هو لافف رجل على رجل : يا ابني متل مالك شايف بنتي فلجة ...
يعني بنت خالتها مهرها هيك و بنص جمالها .. والله مراعيك كتير ..
و لسه البنت عندها بكالوريا

الخطيب : بس ...

الأب : بلا بسبسة ..
مالك نصيب عنا


عام 1991

الخطيب الجديد : بس يا عمو تلات ملايين مهر على شب متخرج طب جديد والله كتير ..؟؟

الأب : بس انت نسيان انو بنتي فلجة ...
على كل .. البنت عندها جامعة ..
الظاهر مالك نصيب عنا

عام 1996

خطيب آخر : بس يا عمو تلات ملايين مهر والله كتير ... أنا صارلي دكتور بالجامعة 6 سنوات
و لسه مشواري طويل ...
و راتبي على راتبها بنعيش ... :sad:
بس عندي بيت و فرش و سيارة
و بوعدك دللها دلال ما شافته


الأب : متل ما بتعرف البنت صارت مهندسة ..
و قبل ما تتخرج طلبنا هلمهر ...:cool2:
بقى شلون بعد ما تخرجت ..
صدقني مراعيك ... بعدين شوف هالجمال ...
إي والله بيسوى أكتر

الخطيب : بس ...

الأب : بس شو

الخطيب : يا عمو الظاهر ما في نصيب

عام 2001

خطيب تاجر مليان : بعطيك متل ما طلبت
و أكتر .. شي ببلاش مليون بمليون مهر
بس بدي تقعد بالبيت ..
الي و بس ... يعني بدي تترك وظيفتها ...
متل نسواني التلاتة ....

الأب : بس البنت معها هندسة و حرام تكب شهادتها

الخطيب : بلا شهادة بلا زفت .. صحيح اسألها بتعرف ترقص و الا لأ ..؟؟؟
بدي ترقصلي متل ضرايرها .. إذا ما بتعرف ما بدي ياها

يصاب الأب بالنكسة ... لأن ابنته لا تعرف أن ترقص ... و طار العريس



عام 2005

خطيب أرمل : يا عمو ... عندي 3 أولاد و أكبر واحد عمره 16 سنة و الأصغر 10 سنين ...
بقى منين عبتقللي كبار ؟؟؟؟

الأب : بس ...

الخطيب : ما تبسبس لي ...
مافي غير 500 ألف مهر اش قلت ؟؟؟

الأب : بس بنتي كانت فلجة ...
و الله قليل هيك ...

الخطيب : كلام شكلين ما بحكي ...
عرضوا علي بنت خالتها المطلقة ب 200 ألف مهر و ما قبلت .... خليها عندك ...

بداية عام 2010

خطيب سبعيني يلبس دكة :
مهري خمشين ألف مقدم و خمشين ألف مؤخر ... و ما بكتبلها شي باشمها ...
لأنو كتبت كلشي باسم ولادي الشباب ...
بقى اش قلت ... أح أح أح

الأب : بس خمشين ألف قليل ..
ما تشوفها هيك شعرها أبيض
و شنانها مفشكلة ...
كانت بشبابها فلجة ..

الخطيب : آه .. اش قلت .. ما عم بشمع ...

الأب بصوت عالي : قليل .. والله قليل

الخطيب : الظاهر مالكم بالطيب نشيب ... خاطرك

الأب : قعود شوي لنتفاهم

............

و سنسرد لكم ما سيحصل
في الأعوام اللاحقة