لقيت الفانوس شبيك لبيك انا بين ايديك يا مصرى

لقيت الفانوس

لقيت الفانوس مرة ودعكته طلعلى عفريت… شبيك لبيك
قلت أنا للذل باى وودعته وللعفريت هاهريك هاهريك
قالى هأوأو يا إبن الإنسان دانا عفريت مارد بن جان
ما يهمني مكان ولا زمان واطلب وأنا عندى البرهان

*****************

أناعاوز قمح زُرع فى مصر ومرتب يكفى لآخر الشهر
وحكومة متعصرنيش عصر ومسؤولين يبطلوا فشر
وعاوز عيش من غير طوابير وإنفاق حكومى بدون تبذير
وانتخابات من غير تزوير ورئيس سابق أشوفه كتير

*****************
عاوز فى بيتى شيكارة دقيق وتبرير مقنع لأى حريق
ومجلس شعب بدون تصفيق وفى كأس العالم لينا فريق

وأكلة كباب مشوى على السيخ مع عيالى فى شرم الشيخ
وأشرب فى القسم عصير بطيخ وأخرج سليم بدون تلطيخ

ونفسى الضحكة ترجع تانى ورصيف للمشى أنا وخلاّنى
وجنيه مصرى زى البرانى يشترى حتة لحمة ضانى

*****************
رد العفريت عليا بغشم وقال يا مصرى ماكنش العشم
بص.. أنا ممكن أشيل الهرم واسدلك الأوزون اللى اتخرم
وأرجعلك الأكل اللى اتهضم وتمأمأ البقرة كأنها غنم
أبنيلك قصر من العدم وأقولك معنى شرم برم

بس طلباتك طلبات ملموس عقله خلاص أكله السوس
ده تخطيط يا بنى ومدروس إنك تعيش على طول موكوس
وأحنا بناخد منكوا دروس ; إزاى يبقى الجن متعوس
ويا ريت ترجعنى تانى الفانوس وأنا راضى أعيش محبوس
بدل ما أخرج واتبهدل زيك ويتلم موكوس على متعوس

منقول

روووووعه تسلم ايدك ادهم رح قلك نكته عن فانوس السحري في واحد دعك الفانوس طلع المارد قلو شبيك لبيك اطلب قلو بدي فيلا وسياره رد عليه المارد وقلو يا ابن الحرام لو عندي بيت كنت شايفني في فانوس صغير عايش

خخخخخخخخخخخخخخ قزيه ياادهم

مشكووووور مروركم
شذى

غيوم

نورتواااااااا الموضوع

» لبيك اللهم لبيك
» لقيت نفسى فيها
» لبيك يا مرشدي
» بكيت وما لقيت اللي يواسيني بدمعاتي