ياعالم بالخفى تفرج لنا الشدة

ياهل الهوى الحب هذا حطموا سوره ****** واذا انفتح باب بالله لاتجي ضده
لاتستحى قوم وقف وسط طابوره ****** ولا تطــاوع غشيم مــا عرف ســده
واسبح ببحر الهوى واركب ببابوره ****** وابغاك تعرف متى هزله متى جده
وارفق اللى شفت قمريه وعصفوره ****** حمائم الدوح زادت في الشجي حده
ياللى مسافر عصى الترحال مكسوره ****** اعط البشارة متى توصل لنا جده
صاحبك مشتاق لك والروح مسروره **** ومن الوله شوف حبي قد وصل حده
وياللي دخلت الهوى واعرفك دكتوره ****** عجل علينا ولا تكثر من الصده
ولا تلوم الدموع العين مجبوره ********* ودها تعبر بما اعاني من الشده
يوم اتمشى وكن الرجل مكسوره ******** من بعد غيبتك عنا طالت المده
بنيت لك فى حنايا الروح مقصوره ***** عش داخلي واوعدك ما ينكشف سده
ودى نجي عندكم ناخذ لنا دوره **********ما دام هو المعلم بوس لي يده
يقلون من صغرتك حلوه وشطوره ****** واللى تغنج حبيبي شوف من قده
يشبه لضوء القمر لاشع في نوره****** والا كما البحر في جزره وفي مده
سبحان من كملك وابدع لك الصوره **** من حسن ما عطاه كلن يشتري وده
واللى مشت تتحدي كل غندوره ********** مرفه في النعيــم ومنتعم خـده
يبهرك اللى شد له عا لخصر تنوره****** والشعر ميل على متنه ولا رده
ولا اكتب اسمك بطبشوره وسبوره**** منقوش في القلب من مبطي ومن مده
تسلم لنا دوم والحساد مدحوره ******* راعي الحسد ودنا يذهب بلا رده
يالله عفوك لنا وذنوب مغفوره ********** ياعالم بالخفي تفرج لنا الشده

ملاك الروح
شــرفُ
لصفحتــــــــي حضـــورك
و فخـــرٌ لِقــلمـــي
مُعــانقــة نقــاءأحــرفــك
و سعـــادةٌ لِــقلبــي نسائم ردك
فلك الشكر كل الشكر
على هذه الرد المعطر
بأنفاسك الزكية
دمت بحفظ الرحمن